Jump to Navigation

Добредојдовте на веб локацијата на Одделението за соработка со невладините организации

 

Почитувани посетители,

 

Добредојдовте на веб локацијата на Одделението за соработка со невладини организации на Генералниот секретаријат на Владата на Република Македонија. Одделението е формирано како резултат на заложбите на Владата за институционализирање на соработката, промовирање, поддршка и унапредување на партнерските односи со граѓанскиот сектор.

Одделението е надлежно да го следи и координира спроведувањето на Стратегијата за соработка на Владата со граѓанскиот сектор, се грижи за унапредување на соработката на Владата со граѓанскиот сектор, преку вклучување на граѓанските организации во процесот на креирање политики и создавање услови за финансиска одржливост на граѓанскиот сектор, врши стручно-административна поддршка на работата на Комисијата за распределба на финансиски средства наменети за финансирање на програмските активности на здруженија и фондации од Буџетот на Република Македонија и на Комисијата за организации со статус од јавен интерес.

Во соработката со граѓанскиот сектор, Одделението ги почитува принципите на взаемна доверба, партнерство, независност, плурализам, учество, транспарентност, одговорност, еднакви можности и недискриминација.

Одржана работилница за членовите на Советот за соработка со и развој на граѓанскиот сектор од граѓанските организации, за ефективна комуникација

На 7 јуни 2018 година, во Националниот ресурсен центар за граѓански организации во Скопје, се одржа работилница/обука за членовите на Советот за соработка со и развој на граѓанскиот сектор, наменета за претставниците од граѓанските организаии. Работилницата беше посветена на зајакнување на капацитетите на членовите за комуникација со граѓанските организации од секторите кои тие ги претставуваат во Советот, како и  комуникација помеѓу членовите.

Одржана работилница за членовите на Советот за соработка со и развој на граѓанскиот сектор, за оперативно планирање

На 6 јуни 2018 година, во Клубот на органите на управата во Скопје, се одржа работилница/обука за членовите на Советот за соработка со и развој на граѓанскиот сектор,  која беше посветена на оперативното планирање на работата на Советот, запознавање и соработка помеѓу членовите.

Експертите од проектниот тим ги презентираа хрватските искуства во организирањето на работата на Советот, а потоа членовите работеа во мали работни групи со цел дефинирање на приоритети во работењето на Советот.

Одржана работилница за следење на спроведувањето на Стратегијата на Владата за соработка со и развој на граѓанскиот сектор, со Акциски план 2018-2020

На 16 и 17 мај 2018 година, во Клубот на органите на управата во Скопје, се одржа работилница наменета за градење на капацитетите на членовите на Мрежата државни службеници за соработка со граѓанскиот сектор. 

Работилницата беше посветена на теоретските и практичните модели за следење на спроведувањето на Стратегијата на Владата на Република Македонија за соработка со и развој на граѓанскиот сектор, со и Акциски план 2018-2020. Обуката беше заснована на хрватскиот пример за добри практики, процедури, барања и рокови во процесот на следење, при што беа земени предвид и домашните специфики. Членовите на Мрежата зедоа активно учество и работилницата се одвиваше интерактивно.

Одржани консултативни средби за Предлог-Стратегијата на Владата за соработка со и развој на граѓанскиот сектор, со Акциски план 2018-2020

Генералниот секретаријат на Владата на Република Македонија – Одделение за соработка со невладини организации, организираше консултативни средби за Предлог-Стратегијата на Владата на Република Македонија за соработка со и развој на граѓанскиот сектор, со Акциски план 2018-2020,  со цел граѓанските организации со свои предлози и идеи да придонесат кон донесувањето на новата Стратегија, како една од клучните мерки што се однесуваат на граѓанското општество од Планот 3-6-9 на Владата на Република Македонија.

Јавен оглас за номинација на член во Националното координативно тело за имплементација на Конвенцијата на Обединетите нации за правата на лицата со попреченост во Република Македонија

Владата на Република Македонија, заради спроведување на Конвенцијата на Обединетите нации за правата на лицата со попреченост во Република Македонија, објави оглас за номинација на еден член во Националното координативно тело за имплементација на Конвенцијата на Обединетите нации за правата на лицата со попреченост во Република Македонија, од граѓански организации кои работат во областа на лица со попреченост. Рокот за доставување на потребната документација е 30.4.2018 година.

Оглас

Консултативни средби за Предлог-Стратегијата на Владата за соработка со и развој на граѓанскиот сектор, со Акциски план 2018-2020

Одделението за соработка со невладини организации на Генералниот секретаријат организира консултативни средби со граѓанскиот сектор за Предлог-Стратегијата на Владата на Република Македонија за соработка со и развој на граѓанскиот сектор, со Акциски план 2018-2020, што ќе се одржат во Скопје на 16.4.2018 година (понеделник), од 12:00 до 15:00 часот, во Клубот на органите на управата (бул.Митрополит Теодосиј Гологанов бр.45) и во Битола на 19.4.2018 година (четврток) од 11:00 до 14:00 часот во Салата за седници на Советот на општина Битола (бул.1ви Мај бр.61).

Pages

Subscribe to Одделението за соработка со невладините организации RSS


Одделение за соработка со невладини организации

на Генералниот секретаријат на Владата

Бул: Илинден бр.2

1000 Скопје, Република Мекедонија

Телефонски број: 02/3118022 локал 191 или 307

nvosorabotka@gs.gov.mk

Спроведување на стратегија

Финансиска поддршка

Предлози од граѓански сектор

Copyright © 2015 nvosorabotka.gov.mk

 

Содржините на оваа страница можат да се објавуваат

без посебна дозвола со наведување на изворот.

by Dr. Radut