На 4.9.2024 година, во просториите на Граѓанскиот ресурсен центар, во Скопје, се одржа дебата на тема Зајанување на соработка меѓу Владата и граѓанското општество. На настанот, дискусијата беше фокусирана на овозможувачката средина за развој на граѓанското општество - моментална состојба и идни чекори. Генералниот секретар на Владата г. Игор Јанушев во своето обраќање истакна дека граѓанските организации се срцето на секоја демократска држава.
Одделението за соработка со невладини организации на Генералниот секретаријат на Владата заедно со Граѓанскиот ресурсен центар, во периодот 14-16 март во Гостивар, Скопје и Штип, организираа три консултативни средби за Нацрт-извештајот за напредокот во спроведувањето на Акцискиот план за спроведување на Стратегијата на Владата на Република Северна Македонија за соработка со и развој на граѓанското општество 2022-2024 и постигнување на стратешките и оперативните цели во 2022 година. На консултативните средби, повеќе од 70 претставници на граѓански организации дискутираа за статусот на спроведувањето на активностите и дадоа предлози за приоритетите во спроведувањето на Стратегијата во следниот период.
На 17.01.2023 година во соработка со проектот „Техничка поддршка за подобрување на овозможувачката средина за граѓанските организации во Република Северна Македонија“, финансиран од Европската Унија, се одржа Работилница за следење и известување за спроведувањето на Стратегијата на Владата за соработка со и развој на граѓанското општество 2022-2024, за членовите на Мрежата на државни службеници за соработка со граѓанското општество.
Добредојдовте на веб локацијата на Одделението за соработка со невладини организации на Генералниот секретаријат на Владата. Одделението е формирано како резултат на заложбите на Владата на Република Северна Македонија за институционализирање на соработката, промовирање, поддршка и унапредување на партнерските односи со граѓанскиот сектор.
Одделението е надлежно да го следи и координира спроведувањето на Стратегијата на Владата за соработка со и развој на граѓанскиот сектор, се грижи за унапредување на соработката на Владата со граѓанскиот сектор, преку вклучување на граѓанските организации во процесот на креирање политики и создавање услови за финансиска одржливост на граѓанскиот сектор, врши стручно-административна поддршка на работата на Советот за соработка со и развој на граѓанскиот сектор, Комисијата за распределба на финансиски средства наменети за финансирање на програмските активности на здруженија и фондации и на Комисијата за организации со статус од јавен интерес.
Во соработката со граѓанскиот сектор, Одделението ги почитува принципите на взаемна доверба, партнерство, независност, плурализам, учество, транспарентност, одговорност, еднакви можности и недискриминација.
На 25.09.2024 година, во просториите на Владата, се одржа првата од серијата средби со граѓанскиот сектор „Дијалог меѓу Владата и граѓанскиот сектор“, на тема „Владеење на правото, добро владеење и борба против корупција“, организирана во соработка со Меѓународниот Републикански Институт (ИРИ). Водечка цел на Владата на Република Северна Македонија е враќање на довербата на граѓаните во институциите, елиминирање на корупцијата и обезбедување на владеење на право. На средбата, претседателот на Владата Христијан Мицкоски истакна дека борбата со криминалот и корупцијата мора да биде одлучна и дека без победа во оваа борба не може да имаме развиена држава, подобри услови и подобар стандард на граѓаните. Преку средбата се отвори директен дијалог и комуникација со граѓанските организации, кои имаат стручност и работат на предлог решенија и механизми, за подобро функционирање на институциите и добро владеење.
Согласно заклучоците од дебатата „Зајакнување на соработката меѓу Владата и граѓанското општество“, одржана на 4.9.2024 година во Граѓанскиот ресурсен центар во Скопје, ги покануваме граѓанските организации да достават предлози за изменување и дополнување на Одлуката за формирање на Совет за соработка меѓу Владата и граѓанското општество („Службен весник на РМ“ бр. 98/16 и 164/17 и „Службен весник на РСМ“ бр. 97/19 и 116/21), на nvosorabotka@gs.gov.mk до 20.9.2024 година.
На 4.9.2024 година, во просториите на Граѓанскиот ресурсен центар, во Скопје, се одржа дебата на тема Зајакнување на соработка меѓу Владата и граѓанското општество. На настанот, дискусијата беше фокусирана на овозможувачката средина за развој на граѓанското општество - моментална состојба и идни чекори.
Генералниот секретар на Владата г. Игор Јанушев во своето обраќање истакна дека граѓанските организации се срцето на секоја демократска држава. Тие се гласот на народот, каналот преку кој граѓаните ги изразуваат своите потреби, идеи и визии. За да може овој глас да биде доволно силен и влијателен потребна е поддршка, разбирање и координирана соработка со државните институции. Владата е свесна за оваа потреба и за важноста на градењето на партнерски односи со граѓанскиот сектор.
Приоритет на Владата, во периодот 2024-2028, е поддршка на инклузивен, независен и професионален граѓански сектор, кој е партнер на институциите во креирањето и реализацијата на стратешките цели на државата:
Почитување на принципот на сигурност и одговорност
Отвореност и транспарентност
Динамично и инклузивно општество
Преку овие заложби на Владата, во соработка и партнерство со граѓанските организации, ќе ја градиме државата како просперитетна, праведна и динамична демократија.
На 25.09.2024 година, во просториите на Владата, се одржа првата од серијата средби со граѓанскиот сектор „Дијалог меѓу Владата и граѓанскиот сектор“, на тема „Владеење на правото, добро владеење и борба против корупција“, организирана во соработка со Меѓународниот Републикански Институт (ИРИ). Водечка цел на Владата на Република Северна Македонија е враќање на довербата на граѓаните во институциите, елиминирање на корупцијата и обезбедување на владеење на право. На средбата, претседателот на Владата Христијан Мицкоски истакна дека борбата со криминалот и корупцијата мора да биде одлучна и дека без победа во оваа борба не може да имаме развиена држава, подобри услови и подобар стандард на граѓаните. Преку средбата се отвори директен дијалог и комуникација со граѓанските организации, кои имаат стручност и работат на предлог решенија и механизми, за подобро функционирање на институциите и добро владеење.
