Консултативна средба за Предлог-одлуката за изменување и дополнување на Одлуката за формирање на Совет за соработка помеѓу Владата и граѓанскиот сектор

Одделението за соработка со невладини организации на Генералниот секретаријат на Владата организира консултативна средба со граѓанскиот сектор за Предлог-одлуката за изменување и дополнување на Одлуката за формирање на Совет за соработка помеѓу Владата и граѓанскиот сектор, што ќе се одржи на 20.10.2017 година (петок), од 11:30 до 14:00 часот, во Клубот на органите на управата (Клуб на пратеници) во Скопје.

П О В И К до граѓанскиот сектор за придонес во подготвувањето на програмата за работа на Владата на Република Македонија за 2018 година

Генералниот секретаријат на Владата на Република Македонија - Одделение за соработка со невладини организации го повикува граѓанскиот сектор за активен придонес во подготвувањето на Програмата за работа на Владата на Република Македонија за 2018 година, согласно член 14 од Кодексот на добри практики за учество на граѓанскиот сектор во процесот на креирање политики („Службен весник на РM“ бр.99/11).

Консултации за изменување на Одлуката за формирање на Совет за соработка помеѓу Владата и граѓанскиот сектор


Генералниот секретаријат на Владата на Република Македонија – Одделение за соработка со невладини организации започнува консултативен процес со граѓанските организации за воспоставување функционален Совет за соработка помеѓу Владата и граѓанскиот сектор. Вашите мислења и предлози за изменување и дополнување на Одлуката за формирање на Совет за соработка помеѓу Владата на Република Македонија и граѓанскиот сектор („Службен весник на РМ“ бр.98/2016) можете да ги доставите на nvosorabotka@gs.gov.mk до 15.09.2017 година.

Повик за учество во тематските подгрупи за финализирање на Стратегијата за реформа на јавната администрација

Со цел обезбедување на квалитетна и навремена координација и комуникација со граѓанскиот сектор во процесот на финализирање на новата Стратегијата за реформа на јавната администрација (СРЈА) за периодот 2017-2022 и Акциски план за СРЈА, Министерството за информатичко општество и администрација објави повик за номинирање членови од граѓанските организации во тематските работни подгрупи.

 

Pages

Subscribe to Одделението за соработка со невладините организации RSS