Njësia për Bashkëpunim me Organizatat Joqeveritare mori pjesë në një punëtori të Grupit Punues të Ekspertëve pranë Trupit Ndërinstitucional për të Drejtat e Njeriut

Во рамките на Проектот за поддршка на Канцеларијата на ОН на програмата за работа на Експертската работна група при Меѓуресорското  тело за човекови права за периодот 2018-2019, а со цел подобрување на процедурите за комуникација со граѓанскиот сектор, на 9 и 10 мај 2019 година во Маврово се одржа работилница на Експертската работна група при Меѓуресорското  тело за човекови права. На работилницата се дискутираа добрите практики и модалитети на Канцеларијата на високиот комесар за човекови права на ОН во однос на соработката со граѓанскиот сектор, модалитетите за транспарентност и ефективни консултации со Меѓуресорското  тело за човекови права  и граѓанските организации, како и за подобрување на процесот на соработка помеѓу нив.

На работилницата беа поканети и учествуваа членовите на Експертската работна група при Меѓуресорското  тело за човекови права, претставници на граѓанскиот сектор и на Одделението за соработка со невладини организации на Генералниот секретаријат на Владата.

Претставниците на Одделението за соработка со невладини организации ги споделија своите искуства и добри практики во спроведувањето консултации со граѓанските организации, како и во воспоставувањето и активната работа на Советот за соработка со и развој на граѓанскиот сектор.