Jump to Navigation

Оглас за избор на два члена на Комисијата за организации со статус од јавен интерес

 

Генералниот секретаријат на Владата на Република Македонија распишува Оглас за избор на два члена на Комисијата за организации со статус од јавен интерес, од организации регистрирани во согласност со Законот за здруженија и фондации. Кандидатите предложени од организациите треба да имаат експертиза од областа на граѓанскиот сектор и познавање на националното законодавство поврзано со некоја од областите определени како дејности од јавен интерес во член 74 од Законот за здруженија и фондации. Рокот за пријавување на кандидатите е 5 април 2018 година.

Оглас

 

Одржани состаноци на работната група за изработка на Стратегијата на Владата за соработка со и развој на граѓанскиот сектор 2018-2020

На 14 и 15 март 2018 година, во просториите на Клубот на органите на управата  во Скопје, се одржаа работни состаноци за подготовка на  новата Стратегија на Владата на Република Македонија за соработка со и развој на граѓанскиот сектор 2018-2020.

Промоција на почетокот на проектот „Понатамошно институционализирање на структурирани механизми за соработка помеѓу Владата и граѓанскиот сектор”

На 13 март 2018 година, во просториите на ЕУ Информативниот центар во Скопје беше промовиран почетокот на брзиот твининг проект „Понатамошно институционализирање на структурирани механизми за соработка помеѓу Владата и граѓанскиот сектор”, финансиран од Европската унија. Проектот го спроведува Владата на Република Хрватска - Канцеларија за соработка со НВОи, Агенцијата за централно финансирање и склучување договори и Министерството за финансии на Република Хрватска.

Листа на кандидати според бројот на добиени гласови за членови на Советот за соработка со и развој на граѓанскиот сектор во областите „Демократија и владеење на правото“ и „Култура“

 

Врз основа на член 7 од Одлуката за формирање на Совет за соработка со и развој на граѓанскиот сектор, Генералниот секретаријат на Владата – Одделение за соработка со невладини организации објавува Листа на кандидати според бројот на добиени гласови за членови на Советот за соработка со и развој на граѓанскиот сектор од редот на здруженијата и фондациите, во областите „Демократија и владеење на правото“ и „Култура“, при повтореното гласање што се спроведе во периодот од 12 до 26 февруари 2018 година, поради два прворангирани кандидати во овие области.

 

Промоција на проектот „Понатамошно институционализирање на структурирани механизми за соработка помеѓу Владата и граѓанскиот сектор“

На 13 март 2018 година, во просториите на ЕУ Информативниот центар беше промовиран почетокот на брзиот твининг проект „Понатамошно институционализирање на структурирани механизми за соработка помеѓу Владата и граѓанскиот сектор”. Целта на проектот е создавање подобрена средина за функционирање на граѓанскиот сектор, преку целосно оперативен Совет за соработка помеѓу Владата и граѓанскиот сектор, како и изработка и усвојување на Акциски план (за периодот 2018-2020) за спроведување на Стратегијата за соработка на Владата со граѓанскиот сектор. Проект е финансиран од ЕУ, со времетраење од 8 месеци и вредност од 250.000 евра.

Проектот го спроведува Владата на Република Хрватска - Канцеларија за соработка со НВОи, Агенцијата за централно финансирање и склучување договори и Министерството за финансии на Република Хрватска.

Повик за учество во работна група за изработка на стратегија за соработка на владата со граѓанскиот сектор

Генералниот секретаријат на Владата на Република Македонија - Одделение за соработка со невладини организации ги повикува граѓанските организации активно да придонесат во подготвувањето на  Стратегијата за соработка на Владата со граѓанскиот сектор 2018-2020.

Стратегијата за соработка на Владата со граѓанскиот сектор е значаен документ кој ќе ги содржи основите за соработка на Владата на Република Македонија и органите на државната управа со граѓанските организации и мерките за обезбедување поволна средина за развој на граѓанскиот сектор. Со цел директно и суштинско учество на граѓанските организации во изготвувањето на овој стратешки документ, ќе се формира работна група составена од претставници на здруженија и фондации и од членовите на Mрежата на државни службеници за соработка со граѓанскиот сектор, кои активно ќе учествуваат со предлагање на цели, мерки и активности на Стратегијата.

Листа на кандидати според бројот на добиени гласови за членови на Советот за соработка со и развој на граѓанскиот сектор и Јавен повик за гласање во областите „Демократија и владеење на правото“ и „Култура“

Врз основа на член 7 од Одлуката за формирање на Совет за соработка со и развој на граѓанскиот сектор, Генералниот секретаријат на Владата – Одделение за соработка со невладини организации објавува Листа на кандидати според бројот на добиени гласови за членови на Советот за соработка со и развој на граѓанскиот сектор од редот на здруженијата и фондациите. Поради два прворангирани кандидати во областите „Демократија и владеење на правото“ и „Култура“, гласањето во овие области се повторува. Секоја активна организација регистрирана во Централниот регистар на Република Македонија може да гласа само за еден кандидат, освен за кандидатот од својата организација, со пополнување на образецот за гласање и негово доставување по пошта или електронска пошта на nvosorabotka@gs.gov.mk, до 26.2.2018 година. Во прилог на образецот за гласање се доставува копија од Тековна состојба издадена од Централниот регистар. Организациите што го оствариле своето право на глас во периодот од 22.01 до 6.02.2018 година и нивниот глас се сметал за важечки, немаат право повторно да гласаат.

Pages

Subscribe to Одделението за соработка со невладините организации RSS


Одделение за соработка со невладини организации

на Генералниот секретаријат на Владата

Бул: Илинден бр.2

1000 Скопје, Република Мекедонија

Телефонски број: 02/3118022 локал 191 или 307

nvosorabotka@gs.gov.mk

Спроведување на стратегија

Финансиска поддршка

Предлози од граѓански сектор

Copyright © 2015 nvosorabotka.gov.mk

 

Содржините на оваа страница можат да се објавуваат

без посебна дозвола со наведување на изворот.

by Dr. Radut