15.1.
Primary tabs
15.1. Воспоставување на сеопфатен едукативен превентивен механизам во основното и средното образование, во рамки на граѓанското образование, со цел прифаќање на различностите и рано надминување на предрасудите
Показатели |
Воспоставен сеопфатен едукативен превентивен механизам во рамки на граѓанското општество; |
Надлежна институција |
Совет за соработка меѓу Владата и граѓанското општество, Министерство за образование и наука, Министерство за внатрешни работи |
Рок на спроведување |
4 квартал 2022 |
Потребни финансиски средства и потенцијален извор на финансирање |
Потенцијална донаторска поддршка |
Статус: Реализирано
Преземени активности:
Со поддршка на Македонскиот центар за граѓанско образование (МЦГО) развиен е нов Концепт за граѓанско образование во основно образование кој е одобрен од Бирото за развој на образованието (БРО) и усвоен од Министерството за образование и наука (МОН) како водечки документ за поттикнување на граѓанска култура. Врз основа на Концептот ревидирани се наставните програми за граѓанско образование за осмо и деветто одделение основно образование, како и наставната програма за прва година средно стручно образование. Новите наставни програми се применуваат во сите основни и средни стручни училишта. Заедно со ревидираната наставна програма,развиени се и материјали за предавање и учење. Повеќе од 450 наставници се обучени да предаваат согласно новите наставни програми. Во рамки на реформата на основното образование, започната во 2021 година, изготвени се нови наставни програми за трето и шесто одделение, кои се применуваат во настава од учебната 2023/2024 (од септември 2023) и нови наставни програми за седно одделение кои ќе се применуваат од учебната 2024/2025. Во текот на целиот процес на изработка на програмите, работните групи се консултираа и со експерти од области на коишто се темели новата Концепција за основно образование: родовата еднаквост, инклузивноста и мултикултурализмот, како и за заштитата на животната средина, почитување и заштита на правата и слично. Во секоја од новите наставни програми има подглавје ,,Инклузивност, родова рамноправност/сензитивност, интеркултурност и меѓупредметна интеграција”, во кое е наведено дека при избор на дополнителни материјали во наставата се користат илустрации и примери кои се родово и етнички/културно сензитивни и поттикнуваат родова рамноправност, односно промовираат интеркултурализам.
Дополнителни информации: