Одделението за соработка со невладините организации

Работилница за следење и известување за спроведување на Стратегија на Владата за соработка со и развој на граѓанското општество

На 17.01.2023 година во соработка со проектот „Техничка поддршка за подобрување на овозможувачката средина за граѓанските организации во Република Северна Македонија“, финансиран од Европската Унија, се одржа Работилница за следење и известување за спроведувањето на Стратегијата на Владата за соработка со и развој на граѓанското општество 2022-2024, за членовите на Мрежата на државни службеници за соработка со граѓанското општество.
Одржани консултативни средби за Нацрт-извештајот за спроведување на Стратегијата 2022-2024

Одделението за соработка со невладини организации на Генералниот секретаријат на Владата заедно со Граѓанскиот ресурсен центар, во периодот 14-16 март во Гостивар, Скопје и Штип, организираа три консултативни средби за Нацрт-извештајот за напредокот во спроведувањето на Акцискиот план за спроведување на Стратегијата на Владата на Република Северна Македонија за соработка со и развој на граѓанското општество 2022-2024 и постигнување на стратешките и оперативните цели во 2022 година. На консултативните средби, повеќе од 70 претставници на граѓански организации дискутираа за статусот на спроведувањето на активностите и дадоа предлози за приоритетите во спроведувањето на Стратегијата во следниот период.
Одржани консултативни тркалезни маси поврзани со Законот за здруженија и фондации

На 12 и 13 декември 2022 година во Скопје се одржаа четири консултативни тркалезни маси на теми: Правно препознавање на други форми на здружување, Организации и активности од јавен интерес, Заштита на непрофитниот карактер и Овозможувачка околина за граѓанските организации. Тркалезните маси беа организирани од проектот „Техничка поддршка за подобрување на овозможувачката околина за граѓанските организации во Република Северна Македонија“ финансиски поддржан од ЕУ, во рамките на поддршката на Работната група при Министерството за правда која работи на измените и дополнувањата на Законот за здруженија и фондации.

Извештај за пријавени организации со кандидати и Јавен повик за гласање за избор на член на Советот за соработка со и развој на граѓанскиот сектор за областа „ЕУ интеграции и политики“

Врз основа на член 7 од Одлуката за формирање на Совет за соработка со и развој на граѓанскиот сектор, Генералниот секретаријат на Владата – Одделение за соработка со невладини организации објавува Извештај за пријавени организации со кандидати по Јавниот повик за избор на еден член на Советот за соработка со и развој на граѓанскиот сектор од редот на здруженијата и фондациите, за областa „ЕУ интеграции и политики“ (објавен на 16.10.2018 година) и Јавен повик до организациите кои дејствуваат во истата област да го дадат својот глас само за еден од кандидатите.

Language Macedonian

Јавен повик за избор на еден член на Советот за соработка со и развој на граѓанскиот сектор

Советот за соработка со и развој на граѓанскиот сектор, на седницата одржана на 9.10.2018 година, констатира дека на членот во областа „ЕУ интеграции и политики“, на лично барање, му престанува членувањето во Советот. Јавниот повик се објавува за избор на еден член на Советот од редот на здруженијата и фондациите за областа „ЕУ интеграции и политики“. Рокот за поднесување на пријавите е најдоцна до 31.10.2018 година.

Јавен повик

Пријава

Language Macedonian

Владата ја усвои Стратегијата за соработка со и развој на граѓанскиот сектор, со Акциски план 2018-2020

На седницата одржана на 9.10.2018 година, усвоена е Стратегијата на Владата на Република Македонија за соработка со и развој на граѓанскиот сектор, со Акциски план 2018-2020. Стратегијата се темели на досега постигнатите резултати, но и разработува рамка за идни активности кои ќе овозможат понатамошно унапредување на соработката и поттикнување на развојот на граѓанскиот сектор, како коректив на политиките, сервис на граѓаните и канал за солидарност, партнер на државата и бизнисот и двигател на ЕУ интеграцијата.

Language Macedonian

Одржан завршен настан за проектот „Понатамошно институционализирање на структурирани механизми за соработка помеѓу Владата и граѓанскиот сектор”

На 6.9.2018 година, во просториите на ЕУ Инфо центарот во Скопје, беше одржан завршен настан на брзиот твининг проект „Понатамошно институционализирање на структурирани механизми за соработка помеѓу Владата и граѓанскиот сектор”, финансиран од Европската Унија. Присутните на настанот беа поздравени од страна на г-ѓа Весна Лендич Касало, заменик-директор на Канцеларијата за соработка со НВОи и г-ѓа Нирвана Соколовски, раководител на сектор во Агенцијата за централно финансирање и склучување на договори во Владата на Република Хрватска, амбасадорката на Република Хрватска во Република Македонија, г-ѓа Данијела Баришиќ, г-ѓа Сузана Никодијевиќ Филиповска, раководител на Сектор за анализа на политики и координација од Генералниот секретаријат и г-ѓа Ирена Иванова, програмски менаџер во Делегацијата на ЕУ.