Одделението за соработка со невладините организации

Работилница за следење и известување за спроведување на Стратегија на Владата за соработка со и развој на граѓанското општество

На 17.01.2023 година во соработка со проектот „Техничка поддршка за подобрување на овозможувачката средина за граѓанските организации во Република Северна Македонија“, финансиран од Европската Унија, се одржа Работилница за следење и известување за спроведувањето на Стратегијата на Владата за соработка со и развој на граѓанското општество 2022-2024, за членовите на Мрежата на државни службеници за соработка со граѓанското општество.
Одржани консултативни средби за Нацрт-извештајот за спроведување на Стратегијата 2022-2024

Одделението за соработка со невладини организации на Генералниот секретаријат на Владата заедно со Граѓанскиот ресурсен центар, во периодот 14-16 март во Гостивар, Скопје и Штип, организираа три консултативни средби за Нацрт-извештајот за напредокот во спроведувањето на Акцискиот план за спроведување на Стратегијата на Владата на Република Северна Македонија за соработка со и развој на граѓанското општество 2022-2024 и постигнување на стратешките и оперативните цели во 2022 година. На консултативните средби, повеќе од 70 претставници на граѓански организации дискутираа за статусот на спроведувањето на активностите и дадоа предлози за приоритетите во спроведувањето на Стратегијата во следниот период.
Одржани консултативни тркалезни маси поврзани со Законот за здруженија и фондации

На 12 и 13 декември 2022 година во Скопје се одржаа четири консултативни тркалезни маси на теми: Правно препознавање на други форми на здружување, Организации и активности од јавен интерес, Заштита на непрофитниот карактер и Овозможувачка околина за граѓанските организации. Тркалезните маси беа организирани од проектот „Техничка поддршка за подобрување на овозможувачката околина за граѓанските организации во Република Северна Македонија“ финансиски поддржан од ЕУ, во рамките на поддршката на Работната група при Министерството за правда која работи на измените и дополнувањата на Законот за здруженија и фондации.

Консултации за Предлог-Програмата за финансирање на програмските активности на здруженијата и фондациите за 2019 година

Одделението за соработка со невладини организации на Генералниот секретаријат на Владата на Република Македонија организира консултации со граѓанските организации за Предлог-програмата за финансирање на програмските активности на здруженијата и фондациите за 2019 година, што ќе се одржат на 17.12.2018 година (понеделник) со почеток во 11:00 часот, во просториите на Граѓанскиот ресурсен центар (ул. Кирил и Методиј бр.50, Скопје).

Language Macedonian

Одржани консултации за Предлог-моделот за вклучување на граѓанските организации во пристапните преговори за членство во Европската Унија

На 7.12.2018 година, во просториите на Граѓанскиот ресурсен центар, членовите на работната група на Советот за соработка со и развој на граѓанскиот сектор: Фани Каранфилова-Пановска, Сабина Факиќ, Ана Чоловиќ-Лешоска и Лилјана Јоноски, го презентираа првиот нацрт на Предлог-моделот за вклучување на граѓанските организации во пристапните преговори за членство во Европската Унија.

На консултативната средба учествуваа 40 претставници на граѓанските организации, кои ја поздравија иницијативата на Советот за изработка на Предлог-моделот и укажаа на важноста на утврдување механизми и активно вклучување на граѓанското општество во пристапните преговори за членство во Европската Унија.

Language Macedonian

Консултации за Предлог модел за вклучување на граѓанските организации во процесот на преговори со Европската Унија

Советот за соработка со и развој на граѓанскиот сектор и Одделението за соработка со невладини организации на Генералниот секретаријат на Владата на Република Македонија организираат настан: “Консултации со граѓанските организации за Предлог модел за вклучување на граѓанските организации во процесот на преговори со Европската Унија”, подготвен од Советот, што ќе се одржи на 7.12.2018 година (петок) со почеток во 12:00 часот, во просториите на Граѓанскиот ресурсен центар (ул. Кирил и Методиј бр.50, Скопје).

Language Macedonian

Листа на кандидати според бројот на добиени гласови за избор на еден член на Советот за соработка со и развој на граѓанскиот сектор за областа „ЕУ интеграции и политики“

Врз основа на член 7 од Одлуката за формирање на Совет за соработка со и развој на граѓанскиот сектор, Генералниот секретаријат на Владата – Одделение за соработка со невладини организации објавува Листа на кандидати според бројот на добиени гласови за избор на еден член на Советот за соработка со и развој на граѓанскиот сектор од редот на здруженијата и фондациите, во областа „ЕУ интеграции и политики“.

Language Macedonian