Одделението за соработка со невладините организации

Работилница за следење и известување за спроведување на Стратегија на Владата за соработка со и развој на граѓанското општество

На 17.01.2023 година во соработка со проектот „Техничка поддршка за подобрување на овозможувачката средина за граѓанските организации во Република Северна Македонија“, финансиран од Европската Унија, се одржа Работилница за следење и известување за спроведувањето на Стратегијата на Владата за соработка со и развој на граѓанското општество 2022-2024, за членовите на Мрежата на државни службеници за соработка со граѓанското општество.
Одржани консултативни средби за Нацрт-извештајот за спроведување на Стратегијата 2022-2024

Одделението за соработка со невладини организации на Генералниот секретаријат на Владата заедно со Граѓанскиот ресурсен центар, во периодот 14-16 март во Гостивар, Скопје и Штип, организираа три консултативни средби за Нацрт-извештајот за напредокот во спроведувањето на Акцискиот план за спроведување на Стратегијата на Владата на Република Северна Македонија за соработка со и развој на граѓанското општество 2022-2024 и постигнување на стратешките и оперативните цели во 2022 година. На консултативните средби, повеќе од 70 претставници на граѓански организации дискутираа за статусот на спроведувањето на активностите и дадоа предлози за приоритетите во спроведувањето на Стратегијата во следниот период.
Одржани консултативни тркалезни маси поврзани со Законот за здруженија и фондации

На 12 и 13 декември 2022 година во Скопје се одржаа четири консултативни тркалезни маси на теми: Правно препознавање на други форми на здружување, Организации и активности од јавен интерес, Заштита на непрофитниот карактер и Овозможувачка околина за граѓанските организации. Тркалезните маси беа организирани од проектот „Техничка поддршка за подобрување на овозможувачката околина за граѓанските организации во Република Северна Македонија“ финансиски поддржан од ЕУ, во рамките на поддршката на Работната група при Министерството за правда која работи на измените и дополнувањата на Законот за здруженија и фондации.

Одржан Регионален форум за добро владеење и борба против корупцијата

Претставници на Одделението за соработка со невладини организации учествуваа на Форумот за јавни политики на тема: 30 години добро управување и антикорупциски реформи во Централна и Источна Европа, организиран од Регионалната мрежа за развој и интегритет на Југоисточна Европа (СЕЛДИ) и Платформата на граѓански организации за борба против корупцијата.

Language Macedonian

Листа на кандидати според бројот на добиени гласови за избор на еден член на Советот за соработка со и развој на граѓанскиот сектор од редот на здруженијата и фондациите за областа „Економски и одржлив развој“

Врз основа на член 7 од Одлуката за формирање на Совет за соработка со и развој на граѓанскиот сектор, Генералниот секретаријат на Владата – Одделение за соработка со невладини организации објавува Листа на кандидати според бројот на добиени гласови за избор на еден член на Советот за соработка со и развој на граѓанскиот сектор од редот на здруженијата и фондациите, во областа „Економски и одржлив развој“.

Листа на кандидати според бројот на добиени гласови за избор на еден член на Советот за соработка со и развој на граѓанскиот сектор од редот на здруженијата и фондациите за областа „Економски и одржлив развој“

Language Macedonian

Повик за изразување интерес за вклучување во процес на изработка на Доброволен национален извештај за спроведување на Целите за одржлив развој во Република Северна Македонија

Почитувани претставници на граѓанскиот сектор,

Во 2016-та година државите членки на Обединетите нации, вклучително и Република Северна Македонија, ја усвоија Агендата 2030 и Цели за одржлив развој во насока на постигнување одржлив развој на глобално ниво. Кабинетот на Заменик претседателот на Владата на Република Северна Македонија задолжен за економски прашања како национален координатор за активностите за одржлив развој во соработка со државните институции и други релевантни чинители е надлежен за процесот на интеграција на Целите за одржлив развој во националното стратешко планирање.

Language Macedonian

Свечено доделување на Националната награда за најдобри општествено одговорни практики на македонските претпријатија

Одделението за соработка со невладини организации учествуваше на Свеченото доделување на Националната награда во 2019 година за најдобри општествено одговорни практики на македонските претпријатија, што се одржа на 2.12.2019 година, во организација на Министерството за економија и Националното Координативно тело за општествена одговорност на претпријатијата.

Цел на Наградата е да се поттикне воведувањето и натамошното унапредување на општествената одговорност кај македонските претпријатија и да се промовираат нивните позитивни практики на општествено одговорно делување.

Language Macedonian