Më 17.01.2023, në bashkëpunim me projektin “Përkrahje teknike për përmirësimin e mjedisit të favorshëm për organizatat e shoqërisë civile në Republikën e Maqedonisë së Veriut”, financuar nga Bashkimi Evropian, u mbajt punëtori për monitorim dhe raportim për zbatimin e Strategjisë së Qeverisë për bashkëpunim dhe zhvillim të shoqërisë civile 2022-2024, për anëtarët e Rrjetit të nëpunësve shtetëror për bashkëpunim me shoqërinë civile.
Këshilli për bashkëpunim ndërmjet Qeverisë dhe Shoqërisë Civile kërkon që Qeveria të rishqyrtojë planifikimin e mjeteve për financimin e aktiviteteve programore të shoqatave dhe fondacioneve në Buxhetin e Republikës së Maqedonisë së Veriut për vitin 2022.
Këshilli për bashkëpunim ndërmjet Qeverisë dhe Shoqërisë Civile i ka dërguar kërkesë me shkrim Qeverisë së Republikës së Maqedonisë së Veriut me të cilën kërkohet nga Qeveria që ta rishqyrtojë dhe ta ndryshojë vendimin për planifikimin e mjeteve për financimin e aktiviteteve programore të shoqatave dhe fondacioneve në Buxhetin e Republikës së Maqedonisë së Veriut për vitin 2022 dhe në Propozim-buxhetin, në nenin 040.01 - Qeveria e Republikës së Maqedonisë së Veriut, Nënprogrami 10 - Administrata, pika 463 - Transferet tek organizatat joqeveritare, të parashikohen 30.000.000 denarë, të destinuara për financimin e aktiviteteve programore të shoqatave dhe fondacioneve.
Më 12 dhe 13 dhjetor 2022, në Shkup u mbajtën katër tryeza konsultative me këto tema: Njohja juridike e formave të tjera të shoqërimit, Organizatat dhe aktivitetet e interesit publik, Mbrojtja e karakterit jofitimprurës dhe mjedisi mundësues për organizatat e shoqërisë civile. Tryezat u organizuan nga projekti “Përkrahje teknike për përmirësimin e mjedisit të favorshëm për organizatat e shoqërisë civile në Republikën e Maqedonisë së Veriut” i mbështetur financiarisht nga BE-ja, në kuadër të mbështetjes së Grupit Punues në Ministrinë e Drejtësisë që punon në amendamente dhe plotësime.
Këshilli për bashkëpunim ndërmjet Qeverisë dhe shoqërisë civile, me kërkesë të Bordit për Kornizën kombëtare të kualifikimeve, publikon Thirrje publike për pjesëmarrjen e një përfaqësuesi të shoqërisë civile në Komisionin sektorial për art. Kandidatët për anëtarësim në Komisionin sektorial për art duhet t'i plotësojnë kushtet e shpallura në thirrjen publike dhe të mbështeten nga organizata të cilat janë regjistruar në përputhje me dispozitat e Ligjit për Shoqata dhe Fondacione të paktën tre vjet para publikimit të thirrjes publike, dhe kanë veprimtari të vërtetuara në statut dhe qëllime në fushën e kulturës dhe artit. Aplikacioni me gjithë dokumentet duhet të dorëzohet me e-mail në nvosorabotka@gs.gov.mk me shënimin “Aplikim për Komisionin sektorial për art” jo më vonë se 12 nëntor 2021.
Sekretariati i Përgjithshëm i Qeverisë shpall thirrje publike për zgjedhjen e anëtarit të Këshillit për Bashkëpunim ndërmjet Qeverisë dhe Shoqërisë Civile nga radhët e shoqatave dhe fondacioneve në fushën e mbrojtjes së mjedisit. Kërkesa me të gjithë dokumentacionin duhet të dorëzohet me postë, në adresën: Qeveria e Republikës së Maqedonisë së Veriut, Sekretariati i Përgjithshëm, Njësia për bashkëpunim me organizatat joqeveritare, bul. “Ilinden” nr. 2, 1000 Shkup, me shënimin: “Kërkesa për zgjedhjen e anëtarit të Këshillit” ose të dorëzohet personalisht në arkivin e Njësisë për bashkëpunim me organizatat joqeveritare të Sekretariatit të Përgjithshëm. nga ora 8:30 deri në 15:30. Afati i fundit për dorëzimin e aplikacioneve është 17 nëntor 2021.
Shoqëria civile është një komponent kyçe e çdo sistemi demokratik dhe vazhdon të njihet si e tillë nga institucionet shtetërore. Strategjia e Qeverisë së Republikës së Maqedonisë së Veriut për bashkëpunim dhe zhvillim të shoqërisë civile, me Planin e Veprimit 2021-2024, ka për qëllim përmirësimin e mjedisit në të cilin funksionon dhe zhvillohet shoqëria civile, që kontribuon në forcimin e qeverisjes demokratike dhe vendosjes së dialogut strukturor me shoqërinë civile. Drafti i këtij dokumenti strategjik është rezultat i aktivitetit disa mujor të Grupit Punues të përbërë nga përfaqësues të Sekretariatit të Përgjithshëm të Qeverisë, ministrive përkatëse dhe organizatave të shoqërisë civile që kanë dorëzuar propozime në thirrjen e publikuar në www.nvosorabotka.gov.mk. në maj të këtij viti. Ftohen të gjitha Organizatat e interesuara të shoqërisë civile që deri më 10.11.2021 të paraqesin mendim për Draft Strategjinë dhe Planin e Veprimit, me vërejtje dhe sugjerime konkrete, me email në adresën nvosorabotka@gs.gov.mk me shënim “Opinion për Projekt Strategjinë 2021-2024”.
Më 7 tetor 2021 u mbajt takimi i Grupit Punues për hartimin e Strategjisë së Qeverisë për bashkëpunim dhe zhvillim të shoqërisë civile, me Plan Veprimi 2021-2024. Qëllimi i takimit ishte shqyrtimi i draftit të tretë të Strategjisë, i cili përfshin shumicën e rekomandimeve të projektit "Përkrahje teknike për përmirësimin e mjedisit të favorshëm për organizatat e shoqërisë civile në Republikën e Maqedonisë së Veriut", i prezantuar në punëtori, mbajtur më 14 shtator 2021. Anëtarët e pranishëm të Grupit të Punës shprehën kënaqësinë për tekstin e përditësuar të Strategjisë dhe morën përsipër që nga data 14.10.2021 të paraqesin propozime konkrete për plotësimin e tekstit të Planit të Veprimit, me qëllim të fillimit të konsultimeve më të gjera me organizatat e shoqërisë civile në gjysmën e dytë të tetorit të këtij viti.
Më 7 tetor 2021 u mbajt takimi i Grupit Punues për hartimin e Strategjisë së Qeverisë për bashkëpunim dhe zhvillim të shoqërisë civile, me Plan Veprimi 2021-2024. Qëllimi i takimit ishte shqyrtimi i draftit të tretë të Strategjisë, i cili përfshin shumicën e rekomandimeve të projektit "Përkrahje teknike për përmirësimin e mjedisit të favorshëm për organizatat e shoqërisë civile në Republikën e Maqedonisë së Veriut", i prezantuar në punëtori, mbajtur më 14 shtator 2021. Anëtarët e pranishëm të Grupit të Punës shprehën kënaqësinë për tekstin e përditësuar të Strategjisë dhe morën përsipër që nga data 14.10.2021 të paraqesin propozime konkrete për plotësimin e tekstit të Planit të Veprimit, me qëllim të fillimit të konsultimeve më të gjera me organizatat e shoqërisë civile në gjysmën e dytë të tetorit të këtij viti.
