Më 17.01.2023, në bashkëpunim me projektin “Përkrahje teknike për përmirësimin e mjedisit të favorshëm për organizatat e shoqërisë civile në Republikën e Maqedonisë së Veriut”, financuar nga Bashkimi Evropian, u mbajt punëtori për monitorim dhe raportim për zbatimin e Strategjisë së Qeverisë për bashkëpunim dhe zhvillim të shoqërisë civile 2022-2024, për anëtarët e Rrjetit të nëpunësve shtetëror për bashkëpunim me shoqërinë civile.
Këshilli për bashkëpunim ndërmjet Qeverisë dhe Shoqërisë Civile kërkon që Qeveria të rishqyrtojë planifikimin e mjeteve për financimin e aktiviteteve programore të shoqatave dhe fondacioneve në Buxhetin e Republikës së Maqedonisë së Veriut për vitin 2022.
Këshilli për bashkëpunim ndërmjet Qeverisë dhe Shoqërisë Civile i ka dërguar kërkesë me shkrim Qeverisë së Republikës së Maqedonisë së Veriut me të cilën kërkohet nga Qeveria që ta rishqyrtojë dhe ta ndryshojë vendimin për planifikimin e mjeteve për financimin e aktiviteteve programore të shoqatave dhe fondacioneve në Buxhetin e Republikës së Maqedonisë së Veriut për vitin 2022 dhe në Propozim-buxhetin, në nenin 040.01 - Qeveria e Republikës së Maqedonisë së Veriut, Nënprogrami 10 - Administrata, pika 463 - Transferet tek organizatat joqeveritare, të parashikohen 30.000.000 denarë, të destinuara për financimin e aktiviteteve programore të shoqatave dhe fondacioneve.
Më 12 dhe 13 dhjetor 2022, në Shkup u mbajtën katër tryeza konsultative me këto tema: Njohja juridike e formave të tjera të shoqërimit, Organizatat dhe aktivitetet e interesit publik, Mbrojtja e karakterit jofitimprurës dhe mjedisi mundësues për organizatat e shoqërisë civile. Tryezat u organizuan nga projekti “Përkrahje teknike për përmirësimin e mjedisit të favorshëm për organizatat e shoqërisë civile në Republikën e Maqedonisë së Veriut” i mbështetur financiarisht nga BE-ja, në kuadër të mbështetjes së Grupit Punues në Ministrinë e Drejtësisë që punon në amendamente dhe plotësime.
Lufta kundër korrupsionit dhe krimit është një nga prioritetet strategjike të Qeverisë së Republikës së Maqedonisë së Veriut. Me qëllim të krijimit të masave dhe politikave efikase dhe në interes të hapjes së Qeverisë së Republikës së Maqedonisë së Veriut ndaj shoqërisë civile, i veçantë është kontributi i organizatave joqeveritare, të cilat punojnë në fushën e korrupsionit dhe parandalimit të krimit. Për këtë nevojiten propozime dhe ide që do të inkorporohen në Planin e Qeverisë për luftën kundër korrupsionit dhe krimit.
Propozimet e paraqitura duhet të përmbajnë
Rekomandime konkrete dhe arsyetim për të njëjtat
Aktivitete konkrete për zbatimin e rekomandimeve
Institucionet kompetente për zbatimin e aktiviteteve
Afati i propozuar për realizimin e aktiviteteve
Propozimet duhet të dorëzohen në e-postën në vijim: infozpvrsmnikolovski@gs.gov.mk më së voni deri më 26.11.2021(e premte) deri në ora 12:00.
Fondi i Ballkanit Perëndimor shpalli një thirrje të re për financimin e projekteve dhe filloi procesin e aplikimit për subjektet e interesuara. Kjo është thirrja e katërt që nga themelimi i Fondit, por thirrja e parë që ka mbështetjen e Bashkimit Evropian. Kjo thirrje është e hapur deri më 23 dhjetor 2021.
Përfituesit kryesorë janë organizatat e shoqërisë civile, por përfituesit e mundshëm të granteve përfshijnë shoqatat, fondacionet, organizatat jofitimprurëse, rrjetet rajonale, entet publike lokale dhe rajonale ose shoqatat e biznesit.
Fondi i Ballkanit Perëndimor është një organizatë ndërkombëtare e themeluar nga Ministritë e Punëve të Jashtme të 6 vendeve të Ballkanit Perëndimor dhe është një mekanizëm bashkëpunimi rajonal. Nëpërmjet mbështetjes së projekteve rajonale, Fondi i Ballkanit Perëndimor kontribuon drejtpërdrejt në përmirësimin e bashkëpunimit më të ngushtë në rajon.
Aplikimet mund të dorëzohen përmes sistemit të aplikimit të vendosur në faqen zyrtare të Fondit. Më shumë informacion dhe detaje mund të merrni në lidhjet e mëposhtme:
Më 12 nëntor 2021 është mbajtur takimi i Grupit Punues për hartimin e Strategjisë së Qeverisë për bashkëpunim dhe zhvillim të shoqërisë civile. Qëllimi i takimit ishte shqyrtimi i propozimeve nga organizatat e shoqërisë civile sipas Projektstrategjisë së Qeverisë së Republikës së Maqedonisë së Veriut për bashkëpunim dhe zhvillim të shoqërisë civile, me Planin e veprimit 2021-2024 të dorëzuar gjatë procesit të konsultimit i realizuar nga 22.10 deri më 10.11.2021 të vitit përmes www.nvosorabotka.gov.mk dhe www.ener.gov.mk. Propozimet e organizatave të shoqërisë civile së bashku me përgjigjet gjenden në tabelën e mëposhtme.
A jeni një organizatë qytetare që keni nevojë për fuqi punëtore shtesë? Dëshironi të ndihmoni shfrytëzuesit e ndihmës minimale të garantuar financiare për t'u bashkuar me tregun e punës dhe për të përmirësuar aftësitë dhe njohuritë e tyre për punësim të mëtejshëm nëpërmjet praktikës?
Nëse përgjigja është - PO, masa aktive 5. Praktikë pune (IPA) është e përshtatshme për ju.
Shpallje publike për masën 5. Praktikë pune (IPA) është publikuar nga Agjencia për Punësim e Republikës së Maqedonisë së Veriut në kuadër të projektit IPA “Aktivizimi i grupeve të rrezikuara në tregun e punës” i financuar nga Bashkimi Evropian, bazuar në Planin operativ për programet dhe masat aktive për punësim dhe shërbime në tregun e punës për vitin 2021.
Shpallja është i dedikuar për punëdhënësit, gjegjësisht organizatat e shoqërisë civile që dëshirojnë të punësojnë praktikantë, si dhe për personat që janë shfrytëzues të ndihmës minimale të garantuar dhe janë të regjistruar si të papunë në APRMV.
Më 12 nëntor 2021 është mbajtur takimi i Grupit Punues për hartimin e Strategjisë së Qeverisë për bashkëpunim dhe zhvillim të shoqërisë civile. Qëllimi i takimit ishte shqyrtimi i propozimeve nga organizatat e shoqërisë civile sipas Projektstrategjisë së Qeverisë së Republikës së Maqedonisë së Veriut për bashkëpunim dhe zhvillim të shoqërisë civile, me Planin e veprimit 2021-2024 të dorëzuar gjatë procesit të konsultimit i realizuar nga 22.10 deri më 10.11.2021 të vitit përmes 
