На 25.10.2024 година се одржа втората од серијата средби „Дијалог меѓу Владата и граѓанскиот сектор“ на тема „Образование и младинско учество“, организирана во соработка со Меѓународниот републикански институт (ИРИ). На средбата, претседателот на Владата Христијан Мицкоски истакна дека образованието е столб на општеството и затоа е поставено високо меѓу владините приоритети.
На 25.09.2024 година, во просториите на Владата, се одржа првата од серијата средби со граѓанскиот сектор „Дијалог меѓу Владата и граѓанскиот сектор“, на тема „Владеење на правото, добро владеење и борба против корупција“, организирана во соработка со Меѓународниот Републикански Институт (ИРИ). Водечка цел на Владата на Република Северна Македонија е враќање на довербата на граѓаните во институциите, елиминирање на корупцијата и обезбедување на владеење на право.
На 4.9.2024 година, во просториите на Граѓанскиот ресурсен центар, во Скопје, се одржа дебата на тема Зајанување на соработка меѓу Владата и граѓанското општество. На настанот, дискусијата беше фокусирана на овозможувачката средина за развој на граѓанското општество - моментална состојба и идни чекори. Генералниот секретар на Владата г. Игор Јанушев во своето обраќање истакна дека граѓанските организации се срцето на секоја демократска држава.
Борбата против корупцијата и криминалот е еден од стратешките приоритети на Владата на Република Северна Македонија. Со цел креирање на ефикасни мерки и политики а со оглед на отвореноста на Владата од особено значење е придонесот од невладините организации, кои работат во областа на спречување на корупција и владеење на правото. За таа цел ги повикуваме преставниците на невладиниот сектор да достават предлози и идеи кои би се инкорпорирале во планот на Владата за борбата против корупцијата и криминалот.
Доставените предлози треба да содржат:
Конкретни препораки и образложение за истите
Конкретни активности за спроведување на препораките
Надлежни инситуции за спроведување на активностите
Предлог рок за исполнување на активностите
Предлозите треба да се достават до Кабинетот на Заменик на Претседателот на Владата задолжен за борба против корупцијата и криминалот,одржлив развој и човечки ресурси на следната е-пошта: infozpvrsmnikolovski@gs.gov.mk најдоцна до 19 февруари 2021 година до 16:30 часот.
На 29 јануари 2021 година се одржа 29. (дописна) седница на Советот за соработка со и развој на граѓанскиот сектор. На седницата Советот ги разгледа предлозите за изменување на Одлуката за критериумите и постапката за распределба на средства наменети за финансирање на програмските активности на здруженијата и фондациите и препорача Огласот за финансиска поддршка на здруженија и фондации за 2021 година да се објави согласно Одлуката за критериумите и постапката за распределба на средства за финансирање на програмските активности на здруженија и фондации од Буџетот на Репбулика Северна Македонија („Службен весник на РСМ“ бр.277/19), а два претставници на Советот од редот на граѓанските организации да учествуваат во работата на Комисијата за распределба на средствата во својство на набљудувачи. Исто така, Советот одлучи на наредната седница да расправа за формирање на Работната група за операционализација на препораките на Анализата на финансиска поддршка на здруженија и фондации од Буџетот на Република Северна Македонија (од 2017 година до прва половина на 2019 година) со Компаративна анализа на моделите за државно финансирање од другите земји и Предлог-модел на Фонд за институционална поддршка на граѓанските организации и ко-финансирање на ЕУ- проектите во РСМ.
На 20 јануари 2021 година се одржа 28. (дописна) седница на Советот за соработка со и развој на граѓанскиот сектор. На седницата Советот го разгледа и усвои Извештајот за работа на Советот за соработка со и развој на граѓанскиот сектор за 2020 година, утврди позитивно мислење по Извештајот за реализација на Програмата за финансирање на програмските активности на здруженијата и фондациите за 2019 година, како и по текстот на Огласот за финансиска поддршка на здруженија и фондации за 2021 година.
Дополнително на оваа седница, Советот дискутираше и го одложи од разгледување материјалот Предлози за изменување на Одлуката за критериумите и постапката за распределба на средства наменети за финансирање на програмските активности на здруженијата и фондациите за наредната тематска седница која ќе се одржи на 29 јануари 2021 година.
На 25. седница, одржана на 2.12.2020 година, Советот за соработка со и развој на граѓанскиот сектор, номинираше два претставници на здруженија и фондации за учество во работата на Главниот штаб за управување со кризи, без право на глас: Уранија Пировска, Хелсиншки комитет за човекови права Скопје и Зоран Дранговски, Македонско здружение на млади правници Скопје.
Врз основа на Одлуката на Владата на Република Северна Македонија бр.44-11138/1 од 20.11.2020 година за постоење на кризна состојба на територијата на Република Северна Македонија заради заштита на јавното здравје во услови на постоење на пандемија прогласена од Светската здравствена организација од заразната болест Ковид-19 предизвикана од вирусот САРС-КОВ-2 и заради спречување од негово ширење во зголемен обем со што се загрозува безбедноста на здравјето на населението, Главниот штаб за управување со кризи е во постојано заседание.
Во насока на транспарентна работа и опфаќање на поголем број теми кои се од значење за пошироката јавност, Советот за соработка со и развој на граѓанскиот сектор ги повикува граѓанските организации активно да придонесат во работата на Главниот штаб, и да доставуваат предлози на теми и актуелни прашања за разгледување на седниците на Главниот штаб на следните адреси: Uranija.pirovska@mhc.org.mk и zdrangovski@myla.org.mk.
На 29 јануари 2021 година се одржа 29. (дописна) седница на Советот за соработка со и развој на граѓанскиот сектор. На седницата Советот ги разгледа предлозите за изменување на Одлуката за критериумите и постапката за распределба на средства наменети за финансирање на програмските активности на здруженијата и фондациите и препорача Огласот за финансиска поддршка на здруженија и фондации за 2021 година да се објави согласно Одлуката за критериумите и постапката за распределба на средства за финансирање на програмските активности на здруженија и фондации од Буџетот на Репбулика Северна Македонија („Службен весник на РСМ“ бр.277/19), а два претставници на Советот од редот на граѓанските организации да учествуваат во работата на Комисијата за распределба на средствата во својство на набљудувачи. Исто така, Советот одлучи на наредната седница да расправа за формирање на Работната група за операционализација на препораките на Анализата на финансиска поддршка на здруженија и фондации од Буџетот на Република Северна Македонија (од 2017 година до прва половина на 2019 година) со Компаративна анализа на моделите за државно финансирање од другите земји и Предлог-модел на Фонд за институционална поддршка на граѓанските организации и ко-финансирање на ЕУ- проектите во РСМ.
