Të udhëhequr nga angazhimet që dalin nga deklarata e Poznanit për vendet e Ballkanit Perëndimor për integrimin e romëve në procesin e zgjerimit të BE-së, si dhe nga konkluzionet e takimit të ministrave për përfshirjen e romëve në tetor 2020, Republika e Maqedonisë së Veriut filloi procesin e hartimit të një Strategjie të re Kombëtare për Romët 2022-2030 duke ndjekur udhëzimet e dhëna në Kuadrin Strategjik të BE-së për Romët.

Në këtë drejtim, me qëllim të pjesëmarrjes së drejtpërdrejtë dhe thelbësore të organizatave të shoqërisë civile në hartimin e Strategjisë për Romët, Qeveria hapi një proces të gjerë konsultimi përmes të cilit përfshiu të gjitha organizatat e interesuara të shoqërisë civile me propozimet e tyre për masat dhe aktivitetet që ata konsiderojnë duhet të jenë pjesë e politikave të qeverisë për integrimin e romëve.

Njësia për bashkëpunim me organizatat joqeveritare të Sekretariatit të Përgjithshëm organizon proces konsultimi me organizatat e shoqërisë civile për të përcaktuar prioritetet për mbështetje financiare të organizatave të shoqërisë civile nga Buxheti i Qeverisë së Republikës së Maqedonisë së Veriut për vitin 2022. Ftohen organizatat e shoqërisë civile që të përfshihen në mënyrë aktive në procesin e konsultimit dhe të paraqesin mendimin dhe propozimet e tyre sipas Tabelës me prioritetet dhe aktivitetet e propozuara për mbështetjen financiare të shoqatave dhe fondacioneve për vitin 2022, jo më vonë se data 21 dhjetor 2021, në e- adresën postare nvosorabotka@gs.gov.mk me shënimin “Opinion për prioritetet për mbështetjen financiare të OJQ -ve”.

Табела со предлог-приоритети и активности за финансиска поддршка на здруженија и фондации за 2022 г.