Демократија, човекови права и владеење на правото

Основна целна група се самохраните родители, подобрување на нивната состојба преку иницијатива за изменување и дополнување на Закон за социјална заштита. Исто така, здружението има за цел да ги потикнува и младите да можат своите таленти да ги презентираат на соодветни платформи, како една од мерките кои евентуално би допринеле стопирање на исселувањето на младите, кои се во целост незадоволни од општествениот систем, функционирањето и можностите за кариерниот развој и личен потенцијал и капацитет.
За сите промени кои се неопходни во државата, потребни се законски измени, а тоа е основната цел на Јунити Развој - лоцирање на проблемот и доставување на иницијативи до надлежните органи и институции со цел вистинско решавање на проблемот.

Здружение на граѓани за промовирање на демократијата и промовирање на мултикултурниот и меѓуетничкиот соживот помеѓу младите ЈУСТИНА. Деца, млади и студенти. Економкски развој. Етнички заедници, животна средина итн.

Британска фондација основана во 1992 година. Канцеларијата во Македонија е отворена во 2008 година и е дел од програмата на Вестминстер фондација за демократија за Западен Балкан. Фондацијата нуди експертиза со цел подобрување на работата на парламентите, политичките партии, граѓанските организации и медиумите.

НЧП работи на промовирање на човековите права, развој на еколошка демократија, родова еднаквост и реформи во животната и здравствената политика, медиумска писменост

Подигнување на колективната свест; Мониторинг на јавни институции; Поддршка и јакнење на граѓанскиот сектор.

ЗЕЛЕНА ЛУПА е здружение на граѓани кои се залагаат за владеење на правото, интегритет и функционалност на институциите и борба против корупцијата.

Нашата мисија е подобрување на функционалноста и ефикасноста на институциите кои треба да работат согласно законите, неселективно и професионално, односно правилно функционирање на судството и донесување на мериторни одлуки засновани врз закон и поткрепени со факти и по сопствено убедување, и без никаковно политичко влијание.

Здружението работи на промоција на критичен, непатријархален пристап кон родот и сексуалноста, на отворање нехомофобична дебата за правата на луѓето кои не се идентификуваат со доминантните хетеронормативни вредности, на политики и стратегии за создавање на поволна општествена и политичка клима за овие луѓе, како и на создавање на органска и организирана квир и ЛГБТИ заедница која би се мотивирала за активно учество во кампањата и борбата за еднакви права. Здружението работи во 5 клучни области:

1.Застапување за правата на ЛГБТИ лицата
2.Истражување и политики за ЛГБТИ
3.Обука и образование за ЛГБТИ
4.Обезбедување на бесплатни услуги на правна поддршка и советување и психосоцијална поддршка и советување
5.Прибирање средства за ЛГБТИ проекти и иницијативи

Нашата визија е креирање на општество без предрасуди, дискриминација и страв од насилство, каде сите луѓе - без оглед на нивните лични карактеристики - ќе имаат еднакви можности да ги остварат своите потенцијали во приватниот живот и на работното место.

Мисијата на Здружението е негување на различностите како општествена придобивка.

Основни стратешки цели кои ги имаме зацртано пред нас се остварување сензибилизација на граѓанското општество за сексуалниот и родовиот диверзитет и подигнување на јавната свест за човековите права на ЛГБТ+ луѓето.

Целта на постоењето на Здружението на граѓани Урабно Опшество е да даде активен придонес во развојот граѓанското општество во Македонија со пиетет на младиот човек и неговото ингерирање во општеството, да го поттикне волонтирањето како можност за стекнување на искуство и навики за работа, заштита на маргинализираните групи во општеството со посебен осврт на лицата со посебни потреби и нивно интегрирање во општествените токови, промовирање и развој на демократија и демохристијански вредности, промовирање на спорт и здрав живот
Соработката со невладини организации и државни органи по прашања од заеднички интерес за промоција на потребите и проблемите на младиот човек, соработката со стучни организации и институции, невладини и хуманитарни организации и поединци, како во Република Македонија така и во странство. Сето ова реелаизирајќи го преку следниве програмски задачи и активности:
• Остварување и унапредување на човековите права
• Политичко образование
• Цивилно општество
• Локална самоуправа
• Меѓуетнички односи
• Владеење на правото
• Менаџмент на човекови ресурси
• Oбезбедување на севкупна општествена грижа и третман на лицата со интелектуална попреченост и нивните семејства како и остварување и заштита на нивните економски, социјални, хуманитарни, здравствени,културни,образовни, спортски и други права
• Соработка со здруженија на граѓани, фондации, единици на локалната самоуправа, и други организации чии цели се компатибилни со целите на
• Други области на општсетвениот живот

Тематски приоритети на делување се однесуваат на мултисекторско работење за ранливи категории во областа на: виктимизација, криминалитет, човекови права, како и превенција во овие домени. Меѓу другото, сите овие компоненети се надополнуваат и разработуваат низ призмата на: социјална инклузија, социјална заштита, здравство, домување, образование, вработување, безбедност, како и ресоцијализација и реинтеграција на самите жртви.

Приоритетна дејност 94.99 - Дејности на други организации врз база на зачленување, неспомнати на друго место.
Дејност во внатрешен промет 85.59 - Друго образование, неспомнато на друго место
(посредување во однос на обуки за медијатори,односно посредување за се што е опфатено со медијацијата и медијаторите во РМ)

Здружението за развој, Центар за управување со промени (ЦУП) е непрофитна, невладина организација која промовира разбирање и ненасилни промени во општеството.
Организацијата се фокусира на меки мерки и политики кои им помагаат на различни ентитети да ги прифатат промените во општеството како нормални ситуации и да ги претворат во позитивни резултати. Својата визија, организацијата ја темели на основните принципи за почит, разбирање, ненасилство и просперитет на луѓето преку активно граѓанско општество, партиципативна демократија, транспарентност и отчетност, владеење на правото, еднакви можности и социо-економски развој на нашето општество и регионот.
Мисијата на ЦУП се базира на верувањето дека зајакнувањето на капацитетите на јавната администрација и реформите во истата (РЈА), зајакување на граѓанскиот сектор за следење и укажување, јакнење на бизнис заедницата, евро - интеграцијата и инвестирањето во развој на луѓето се главни агенти за промени кон подобро општество

ЗЈС има за цел обединување на јавните службеници, зајакнување на придонесот на јавните службеници во унапредувањето на јавната професија, остварување на принципот на владеење на правото и заштита на човековите права. Дејностите на Здружението се насочени кон обединување на јавните службеници, зајакнување на придонесот ја јавните службеници во унапредувањето на јавната професија, остварувањето на принципот на владеење на правото, заштита на човековите права, унапредување и јакнење на јавната професија, образование за истата како и професионално насочување и усовршување на јавните службеници, промоција и заштита на човековите права, давање на бесплатна помош согласно Закон на ранливи категории граѓани и други лица од интерес, стратешко водење на постапки, почитување и промоција на принципот на владеење на правото, овозмужување на стручни правни услуги, анализи и изработка на правни мислења во областа на целиот јавен сектор од државната администрација, Министерството за внатрешни работи, Армијата на Република Македонија, Образование и наука, Културата, Социјалната и детската заштита, Здравството, Судството и јавното обвинителство, државните и јавните претпријатија, како и трговски друштва во државна сопственост, заштита на правата на јавните службеници во сите области од правна природа, остварување соработка со сите релевантни институции во реформите на сите сфери на јавниот сектор на РСМ и активно следење и учество во процесот на приближување и хармонизација со европскопто законодавство, подигање на свеста на јавниот службеник како професија и друго

ЗПР – Скопје делива во насокна да го поттикнува и поддржува личниот ипрофесионалниот развој на млади правници и адвокати, со цел да ги застапуваправните интереси на ромската заедница во Република Македонија. Здружението се формира, како одговор на потребата од адвокатите Роми да влезат во правнатапрофесија и да можат да го застапуваат интересот на ромската заедница, да влијаат навласта, да поттикнат јавни мислења, да иницираат политики и законодавна анализа и да сезалагаат кон промени. Тие имаат крајна цел да обезбедат целосно уживање на правата од страна на ромската заедница согласно Уставот и законите на Република Македонија.

Медиа Плус истражува, анализира и иницира акции и процеси со што влијае и придонесува кон развојот на демократијата и медиумската заедница.

Заштита на правата на вработените во јавната администрација и заштиа на државниот имот. Пружаме стручна помош и поддршка на сите службеници, влијаеме на јакненење на нивните компетенции и на јакнење на капацитетите за евиденција и заштита на државниот недвижен имот. Работиме на подготвување и оспособување на администрацијата за спроведување на стратегијата за РЈА.

Основана во октомври 2007 година во Скопје, Женска Алијанса е првата лезбејска и феминистичка невладина организација за промоција и заштита на човековите права на ЛГБТ заедницата и културен развој на општеството следејќи ги принципите на еднаквост, диверзитет, толеранција и недискриминација.
Имајќи предвид дека правото на поинаква сексуална ориентација е едно од основните човекови права, се залагаме за елиминација на сите форми на насилство врз нехетеросексуалните луѓе и дискриминација врз основа на сексуална ориентација, родов идентитет и родова експресија. Постојано се стремиме кон социјална инклузија на ЛГБТ луѓето и еднакви права преку залагање за правни промени и подобрување на националната легислатива.

Антикорупција и добро владеење (јавни набавки, слободен пристап до информации од јавен карактер, транспарентност), економски развој (пристап на микропретпријатија до јавните набавки), медиуми (истражувачко новинарство) и градење капацитети (обуки).

Здружението Центар за интернет, развој и добро управување ИМПЕТУС - Скопје е основано на 18.09.2018 и работи на развој и промоција на принципите на добро управување и заштита на човекови права во општеството преку прифаќање и имплементација на добри практики, образование, истражувања и анализи, во согласност со Уставот на Република Северна Македонија, законите и ратификуваните меѓународни договори, како и статутот на ИМПЕТУС.
Во рамките на ИМПЕТУС се развиваат програми за безбедност; приватност и интернет; добро управување и човекови права; и младинско јакнење.
ИМПЕТУС цели кон општество во кое образованите млади и информирани активни граѓани ќе придонесат кон демократски развој и свест за одговорно управување.

Здружениетонаграѓани Иницијативазаевропскаперспектива (ИЕП) е граѓанска организација насочена кон развој на демократијата во општеството, заштита на човековите слободи и права, борба против сите форми на дискриминација, нечовечко и понижувачко однесување, како и поттикнување на граѓаните да станат поактивни учесници во развојот на демократијата на локално и национално ниво.
Во своето долгогодишн оискуство ИЕП има спроведено голем број на проекти за развој и едукација на граѓаните со посебен акцент на младите и жените, унапредување и заштита на правата на различни целни групи, подобрување на меѓуетничка толеранција и мултикултура, потоа проекти поврзани со градење на отпор но против процесите на радикализација, насилниот екстремизам и тероризам, како и ресоцијализација и реинтеграција на македонски државјани повратници од странските боишта.

Институтот за добро управување и евроатлантски перспективи е организација основана во 2009 година која работи на полето на подигање на јавната свест во делот на доброто управување, промоција на начелата на транспарентност, одговорност, отчетност, ефикасност и владеење на правото како и за презентирање на придобивките и предностите на полноправното членство на Македонија во ЕУ и НАТО Алијансата.
Здружението ги остварува следните цели и задачи:
- подигање на јавната свест во делот на доброто управување, посебно помеѓу младите луѓе во Република Македонија
- промовирање на граѓански пристап и граѓанско учество, како и вклучување на сите ранливи групи во општеството
- креирање на програми кои пошироко ја промовираат еднаквоста, човековите слободи и права, мирното и консензуално решавање на конфликтите
- широка промоција на начелата на транспарентност, одговорност, отчетност, ефикасност и владеење на правото
- презентирање на придобивките и предностите од полноправното членство на Македонија во Европската Унија и НАТО Алијансата
- неформално образование
- активна настава и перманентна едукација
Во изминатиот период ИДУЕП врши анализи и промоција на резултатите од истражувањата за начинот и бројот на претставниците на локалната и централната власт кои користат социјални медиуми во своето работење а во насока на подобрување на двонасочната комуникација, трансформација на јавниот сектор и подобрување на отчетноста и транспарентноста.
Во периодот 2009-2010 г посветено работи во делот на неформалното образование односно спроведување на обуки за стекнување вештини на социјалните медиуми за потребите на дел од општините во РСМ во насока на градење комуникациска стратегија за тимовите и унапредување на нивните знаења со цел потранспарентно и поотворено функционирање на општините.
Во соработка со Македонското здружение на заштита при работа и BALkanOSH.net минатата 2018 година работеше на проект за подигнување на јавната свест, зајакнување на капацитетите и подобрување на условите за работа преку вклучување на медиумите во процесот на креирање на политики за заштита при работа и подобрување на соработката помеѓу граѓанскиот сектор и медиумите.
Во 2019 година ИДУЕП посветено работеше на подгинување на јавната свест за замена на нееколошките начини на загревање со еколошки и изработка на комунукациска стратегија за потребите на Планот за чист воздух на МЖСПП.
Понатамошните активности на ИДУЕП ќе бидат во насока на подобрување на институционалните капацитети, интерактивна јавна услуга и развивање на платформа за одржлива доверба во јавните институции преку спроведување обуки и советување за стекнување соодветни вештини во сферата на социјалните медиуми и онлајн алатки и подигнување на јавната свест и еманципација за одредени проблеми преку истите.
Понатаму ќе се работи на подигнување на свеста за потребата од дигитализација во насока за квалитетно обезбедување на услуги од граѓаните како и подигнување на свеста и информирање на пошироката јавност за концептот на социјално претприемништво.

Спроведување на програми за локален, национален и регионален развој во областа на безбедноста и градењето мир, зајакнување на владеењето на правото, професионален развој на медиумите, соработка на меѓуетнички план и подобрување на безбедносниот систем.

Борба против нелегални содржини и активности во ИКТ и заштита на човековите права на интернет. Активно лобирање за основање на Центарот за побезбеден интернет во Република Македонија.

Мисија на КОМИТЕТОТ ЗА ЗАШТИТА НА ПРАВАТА се унапредени слободи и права на човекот и граѓанинот; почитувани уставни гаранции на основните слободи и права; владеење на правото; законито функционирање на правосудниот систем, детектирање и евидентирање на повредите на правата и современа промена на регулативата; разгледување на последиците од непочитувањето на владеењето на правото при функционирањето на правосудните институции; почитување на темелни вредности на уставниот поредок и современ развој на пенитенцијарен систем.
Комитетот особено се залага за исправање на направените повреди во т.н.„политички мотивирани судски случаи“. Комитетот се залага за враќање на правдата и преиспитување на неправичните судски постапки секаде каде што тоа е можно, согласно постојната и нова, дополнителна регулатива. Комитетот се залага за таква реформа на правосудниот сектор со која во иднина ќе спречи можноста било кој драстично да ги повреди правата на граѓаните.

Македонскиот центар за европско образование (МЦЕО) е невладина, непрофитна, неполитичка, тинк - тенк организација основана во септември 2002 година. МЦЕО го поддржува пристапувањето на Македонија во ЕУ и европеизацијата на општеството преку професионална обука и советување, развој на јавни политики засновани на докази, регионална соработка и застапување за промени.
Македонскиот центар за европско образование го следи процесот на пристапување, а своите истражувања ги фокусира на политичкиот критериум, поглавјето 23 – судство и основни права, како и на искористеноста на европските фондови.

Визијата на МЦМС е мир, хармонија и просперитет на луѓето во Македонија, на Балканот и глобално. МЦМС ја заснова визијата за мир, хармонија и просперитет на универзалните принципи на граѓанско општество и партиципативна демократија, владеење на правото, рамномерен и одржлив социо-економски развој, ненасилство, почит и меѓузависност и културна разноличност.
Мисијата на МЦМС е „МЦМС предводи и поттикнува промени со нови и алтернативни решенија на општествените проблеми, кои влијаат на другите чинители и кои се вклучуваат во главните текови“.
Идеалите од визијата МЦМС ги преточува во следниве долгорочни цели:
- Социјална кохезија и намалување на сиромаштијата;
- Одржлив локален и рурален развој;
- Добро владеење, партиципација и политики насочени од и кон луѓето;
- Вкоренето и динамично граѓанско општество, кое влијае на јавните политики;
- Прифатена културна разноличност, меѓузависност и дијалог;
- Поддржан евроинтеграциски процес со зајакната регионална соработка;
- МЦМС - независна организација и организација со кредибилитет, способна за силни и ефективни партнерства и сојузи засновани на еднаквост, на национално, на регионално и на меѓународно ниво;
- МЦМС е атрактивна и иновативна организација која учи, со локални корени и глобален поглед.
МЦМС соработува со домашни и странски организации и институции. Кај домашните тоа ги подразбира Владата и другите државни органи, единиците на локална самоуправа (ЕЛС) и граѓанските организации. Соработката со странските актери е поделена според територијалниот принцип: регионални (од подрачјето на Балканот), европски (Европската Унија и земјите-членки) и глобални (пр. Обединетите нации, Цивикус и сл.). И во двете групи, соработка ќе се остварува и со деловниот сектор.