Submission #262

Здружението „Сина светулка“ е единствено здружение кое е насочено кон унапредување на квалитетот на живот на лицата од спектарот на аутизмот и нивните семејства преку едукација и промовирање на нивните права следејќи ги новитетите во Европа и светот.
Мисија на здружението е „Подобрување на квалитетот на животот на лицата со аутизам и нивните семејства, подигнување на свеста за потенцијалот на децата и возрасните со нарушувања од спектарот на аутизмот преку едукација и директна поддршка на децата и возрасните со аутизам, нивните семејства, професионалци и пошироката јавност“ . Цели на здружението се: подобрување на квалитетот на животот на децата и лицата со АСН и нивните семејства со откривање и максимизирање на нивниот потенцијал; третман на деца и лица со АСН и нивните семејства; образование на семејства и професионалци за методи на работа со деца и лица со АСН; промоција на правата и промоција на нови идеи за подобрување на квалитетот на животот; обезбедување на услуги за деца и лица со АСН; Поттикнување на научна и професионална работа во оваа област и социјално вклучување на лицата со АСН.
Дејствувањето на здружението се остварува преку три дејности и тоа:
-Поддршка на семејствата на децата со аутизам во постапување со децата, насочување кон сервиси и примена на соодветни методи за работа;
-Oрганизација на едукативни настани за зголемување на компетенциите на професионалците за работа и постапување со овие деца/лица согласно европските и светските трендови;
-Организација на кампањи за подигнување на свесниста за аутизмот.