Submission #176

Здружението на социјални работници на град Скопје е непрофитна, хуманитарна, невладина организација. Тоа своите активности ги насочува кон развивање и промоција на професионалните капацитети на своето членство и за дисеминирање на знаења што ќе им овозможат на социјалните работници да бидат во тек со достигнувањата и методите на работа во областа на социјалната заштита.
Основна активност на Здружението е помагање на граѓаните кои се наоѓаат во состојба на социјален ризик, унапредување на стручните знаења на социјалните работници и лицата кои сакаат да ги усовршат своите знаења во одредени области. Подготовка на стручни помагала за унапредување на социјалната работа, следење на трендовите на социјална работа во другите земји, иницирање на нови форми на социјална заштита и социјална работа во склад со појавата на социјалните состојби.