Submission #381

Нашата визија е да помогнеме при креирањето на силно, видливо, професионално и самоодржливо движење на ГО кои работат на полето на животната средина, врз основа на принципите на демократија и отвореност. Значи движење кое е видливо во општеството, со капацитет на подигнување на свесноста и способно да игра важна улога во процесите на креирање на политики и донесување на одлуки на локално, национално и меѓународно ниво.
Наши области на експертиза се: Јакнење на капацитетите на ГО, Вмрежување и поврзување на луѓето и здруженијата, Учество на јавноста при креирање на мислења и донесување на одлуки, Спојување на различните сектори, Решавање на прашања поврзани со животната средина, Правење на јавни кампањи за прашањата поврзани со животната средина и Демократизација и пристап во ЕУ.
Во 2019 год. во рамки на ЗОР Милиеконтакт Македонија е формиран и регистриран првиот Архус Центар во Република Северна Македонија, чија работа е заснована врз Конвенцијата на Економската Комисија на ОН за Европа (UNECE) за пристап до информации, учество на јавноста во одлучувањето и пристап до правда за прашања поврзани со животната средина (Архуска Конвенција) од 1998 година. Целта е да ја подигне свеста преку ширење информации за животна средина помеѓу општата јавност, како и да го следи спроведувањето на Конвенцијата од страна на државните органи.